--------------------------------------------------------------------------------
تحياتي لكم جميعا
اتمني ان تكون هذه المشاركه البسيطه لها قدر من الاهتمام وابداء الرأي وهي عبارة عن ابيات شعرية انتقيتها بذائقتي وبعد محاولات مضنية استطعت الحصول علي هذا القدر منها
اما الارقام الموضوعه علي كل خاطره فهي للتصويت
بمعني اجمل بيت نال اعجابك اتمني ان تختاره في ردك
.................................................. .............................
ودنا بالطيب بس الدهر جحـاد طيب
كل ما تخلص مع الناس كنـك تغشها
يدك لامدت وفاء لاتحرى وش تجيب
كان جاتك سالمه حب يـدك وخشها
كل ماشبيت نار المحبـه مـع حبيب ------------------ (1)
قام يسحـل فـي مشاهيبهـا ويرشها
وكل ما واجهت لك فالزمن وجه غريب
مثل ماقال المثـل دام تمشـي مشها
وذمةٍ ماهيب تنـدار للحـق المصيب
جعل قشاش الحطب لاسـرح يقتشها
.................................................. ...............
ليت مالك في حياتك لا خوي ولا طليب
كان باخشك وسط خافقي وأقول ضاع ---------------------- (2)
والله إني أحبك وأحبك وأحبك لين أشيب
يعني لين أموت وأنا أحبك للنخاع
.................................................. ...............
تعال وشوف لي دمعه ابحبسها الين القاك
لعلك تمسح الدمعه يغيب الحزن واشجانه -------------- ------ (3)
انا ياصاحبي مدري ذكرتك يوم جيت انساك
وذكرت انك رحلت وقلت هذا الحب واحزانه
.................................................. ...............
انا وقلبي تعاندنا انا صابر وهو مشتاق ----------------------(4)
يمين الله وهو قلبي تمرّ احيان ماطيقه
.................................................. ...............
وجع حب وجع شعر وجع شوق وجع ضيقه
على كيفك وهاك اختار هذي سلة اوجاعي
غلا واسمع نزيف الجرح كلام الصمت ما اطيقه ---------------------(5)
انا محتاج اسولف لك عن اول وآخر اوضاعي
.................................................. ................
اكتب لغيره والقصايد تجي فيه
كن القصايد حالفه ماتخونه
يمكن لو يلمس الجرح بيديه --------------------- (6)
يستغرب ان اللي لمسها طعونه
.................................................. ...............
بين فرحة لقاك وهـم فرقـاك
لاتذكـرت جـرح ولا نسيتـك
حي هالشوف ماتنمـل دنيـاك -------------------- (7)
شف سواة العيون ليا لقيتـك
عين تشربك شوف وعين تظماك
لاذبحني ظمـاك ولا رويتـك
.................................................. ..............
انت لو اني خدعتك راح ترضى بالخديعه؟
بعتني مليون مره حبني مره عشاني ---------------------(
خايف تحمل خفوقي فوق مالايستطيعه
ويبتليك الله بغيري مثل مافيك ابتلاني
.................................................. ..............
وشلون أضمك وأنت بصدري مضموم ---------------------(9)
عمرك سمعت بواحدن ضم صدره
.................................................. .................
طعن جوفي بسكين الغلا وأخر غلاه جروح
طعني طعنت اللي مابقلبه رحمة انسان ----------------- (10)
.................................................. ................
اشتقت للمغرب وانا توني جاي
الله يصبرني على نار شوقي
ياللي تريد ادواي بالمغرب ادواي ---------------- (11)
ودني له لعله ينطلق فيه عوقي
.................................................. ..................
ودي اموت اليوم وأعيش باكر
واشوف منهو بعد موتي فقدني
منهو يرتب غرفتي والدفاتر
ولا شاف صوره لي صاح وحضني ------------------- (12)
ومن هو حملني لين ذيك المقابر
واشكر انا كل من كرمني ودفني
.................................................. ................
محتاج أضمك وأترك الدمع ينساب
ويكتب على خدي بلاوي سنيني
بالحيل ميت من زمن مابه أصحاب
والكل منهم بالمصايب يجيني -------------------- (13)
ألا أنت وينك لاتعذر بالاسباب
ابيك تترك كل شي وتجيني
.................................................. ................
يوم النحاس انصدع لونه وذاب أصفره
غنيت للسنبله كل اغنيات الحصاد
مايدفي الا الوبر والوصـل والمقدره
لازاد شوك الشتا في راحتك والفؤاد ----------------------- (14)
ولاصار ما لك اليا منك ركضـت اغبره
شوري عليك اترك البيدا..وكب الطراد
.................................................. .................
اللي طعني بين الأضـلاع وأدمـى
هـذاك ندٍ لي ونعمين فارس
يابنت مالي قلب بالحب يرمى
كفي سهام الفاترات النواعـس
ظميان.. من مثلي من الناس يظما؟
وأنا على أحلى الينابيع حارس! --------------------------(15)
والله يالولا فيّة عيون سلمى
ماشوف كل الناس ضاحك وعابس
مـن طاب لي بالنور ماني بظلمة
ومن جادلي بالغيث ماني بحابس
.................................................. ...........
بعض الفرح يا صاحبي باطنه هم -------------------------- (16)
وبعض الهموم افراح لو هي حزينة
.................................................. ..........
السهر والعشق الاول والهوى واللي ينوله ..
شي اقسى من همومك والعنه حاضر وغايب .. --------------------- (17)
الهموم اللي دعتني من بعد سن الطفوله ..
كلها من تحت راس العشق ملعون الصلايب !
.................................................. .................
ليه تطعني وانا ميت بليا ؟
ماكفاك اللي حصللي قبل ساعه ؟
كن بين همومي وبينك حميا .. -------------------------- (18)
جيتكم واحد وجيتوني جماعه ..
انت منا والمصايب من هنيا ..
كلكم ضدي ترى ماهي شجاعه
.................................................. ..................
كيف يقوى قلبك القاسي على صـدي وهجـري
وانت تدري في ليالي عمـري بدونك كئيبـة
من بعد عينك ترا صار البكا بالليـل يغري
والليالي ترتـدي ثوب الالم وتشـق جيبـه ----------------------- (19)
كل دمعة تنحدر تكتب علـى الخديـن(بـدري)!
ايه بدري لاتروح..القلب دونك ويش ابي به؟!
.................................................. ....................
أبي وعد..ما احتمل فيه انتظارك
و أبي ليل .. مايجي بعده نهارك
ودي أدري..هي حياتي اختياري..أو اختيارك ---------------------(20)
ودي أنسى..ليلة وعدك..أنسى وعدك..ما أجيك
وش يضرك .. لو أخونك ..مره و اختارك عليك
.................................................. ..................
اذكريني لا انتهـت للـشمـس رحله مـع نـهار
واذكريـني لا صـحـى للصـبح ورد الياسمـين
واذكريني لا لمحتي فـي ليـالـي البرد نار ---------------------- (21)
واذكريني لا سـمعـتي للمـطـر صـوتٍ حزين !!
.................................................. ..................
أموت من فرقاك وأموت بلقـاك
وأموت من جورك وأموت بحنانك !!
كلن قضاه يمـوت مـرّه ويفـداك
و أناأموت ألفين مـرّه عشانـك !!
أذكرك لا مني نسيت إنـي نسيتـك
أنسـاك لامنـي ذكـرت نسيانـك !! ------------------------(22)
رضيت أنا بالهم لرضـاك مرضـاك
وارخصت لك قلبٍ جرحته وصانك !!
أجيك في صدري عتاب و أبجفاك
وأرجع ألوم الوقت و أقـول خانـك ََ!!
.................................................. ....................
بعض الجرووح ان جت من اغراب عادي
الجرح موت الجرح لا جا من احباب --------------------(23)
مليت ادور لك عذر يا ودادي
مثل الضرير اللي ورى النور طلاب
.................................................. ...................
من بادي الوقت وهذا طبع الأيامي
عذبات الأيام ماتمدي لياليها
حلو الليالي توارى مثل الأحلامي
مخطور عني عجاج الوقت يخفيها -------------------- (24)
اسري مع الهاجس اللي مابعد نامي
واصور الماضي لنفسي واسليها
.................................................. ...................
.................................................. ............................................... ................
موضوع: اجمل الابيات الشعرية ادخل وصوٌت .....؟؟؟؟ 
الأربعاء فبراير 20, 2008 4:03 pm
