امي ..
سجادة صلاتي..
ابليل الولايه الغريبه
وامي اجمل لوحة بعيون الحبيبه
امي..
الولايه الوحيده..
التنطي كلشي ابلا ضريبه
امي..
تاريخ العراق ابين اديها
امي..
يل طير الاشوفه..
ايكَول سلملي عليها
امي..
واهسها جبير..
اتذوب الوحشة ابحجيها
وامي ماتعرف تعاتب
والعتاب ايضيع..
بأول ضحكه من نكَبل عليها
بس تموت امن القهر بالعيد..
اذا محد يجيها..؟؟
واحنه نندل شوكَها
ونندل حزنها،..
مثل ماجنه كَبل وكت الطفوله..
أنام بس نندل ثديها
امي بيام الحرب..
دمعتها ساتر ،
يمنه جانت عينها ونسمع بجيها
وآنه اتحدي اليدور ذاكرة كل الحروب..
وما يشوف اعيون ام..
ودمعة بيها
__________________